« Kafou » vini nan yon moman espesyal nan lavi m, men tou nan listwa peyi a. Yon moman meli melo, yon moman brikabrak. Rèl, latwoublay, deblozay. Pwezi pa yon jwèt kach kach men yon lespas pou rekonekte ak tèt ou. Sa fè m te kontan resevwa liv la. Anverite pwezi se yon « Kafou » kote nou tout ka kwaze. Tonniskribòt se yon pretèks pou n li lavi nou nan pla men n. Liv la kwaze desten m, mwen antre nan li san gad dèyè. San di lonè.
Anpil fwa, nou mete powèt la avan liv la men m panse zèv la pote otè a. « Kafou » se yon rekèy powèm ki pa benyen kache lonbrik. Ou pa bezwen kontre powèt la pou w konn kiyès li ye. Zèv la déjà trayi mèt li. Sa l panse, sa l ye kouche nan tout paj yo. Powèt la fè yon travay nou ka apresye sou lang kreyòl la ak plizyè tèm tankou : Timoun, lanmò, lanmou, sosyete. Se yon rale mennen vini tou sou reyalite n ap viv Ayiti nan yon latriye tit : Rèv chen, farin ginen, travèse, chikriti, elatriye…
« Kafou » soti nan Edisyon Freda nan lane 2021. Estil pwezi a koud ak yon latriye fraz kout. Ou pa bezwen souf long pou w li l, men chak vè se yon kout rèl ki soti. Yon trèdinyon ki mare powèt la ak lektè a. Se yon estil nou twouve kay powèt Felix Morisseau Leroy tou. Dalaicham tranpe pwezi l nan sa m ta ka rele yon absidite :
« Kite bouch ou gade m
Publicité — faites défiler pour poursuivre la lecture
Si vous avez déjà créé un compte, connectez-vous GRATUITEMENT pour lire la suite de cet article.
Pas encore de compte ? Inscrivez-vous
0 commentaire
Les échanges courtois et argumentés font la qualité du débat.
Connectez-vous pour commenter. Un compte garantit que votre nom n'est utilisé que par vous.
Se connecter Créer un compte
Aucun commentaire pour l'instant. Soyez la première personne à réagir.