Festival Lago Liv 3èm edisyon: yon kout je sou nouvo inisyativ yo ak vizyon bibliyotèk Dezam

Yon nan nouvo inisyativ ki pral  fè anpil bri pandan festival la, se vizit gide nan sinema. Sa pral ofri patisipan yo opòtinite pou yo dekouvri diferan aspè nan endistri sinema, tankou pwosesis kreyasyon, teknik fim, ak enpak sinema sou sosyete a. Vizit sa yo pral fèt nan yon seri de sinema lokal, kote yo te montre fim k ap abòde sijè kiltirèl ak sosyal ki gen rapò ak eksperyans moun nan kominote a. Nan menm sans, pral gen konferans anprelid sou plizyè sijè k ap fè aktyalite. Sa yo pral konpoze de diskisyon ki te abòde divès pwoblèm ki enpòtan nan sosyete a, tankou edikasyon, dwa moun, anviwònman, ak devlopman kominotè. Patisipan yo pral gen opòtinite pou yo tande ekspè nan diferan domèn epi patisipe nan deba ki pèmèt yo amelyore konpreyansyon sou sijè sa yo. Malgre ke nouvo aktivite sa yo pral ajoute anpil valè nan festival la, visyon festival Lago Liv toujou rete anrasinen nan objektif fondamantal li: kreye yon espas pou literati ak kiltirèl nan vil Dezam (Désarmes). Vizyon sa a pa sèlman reflekte yon angajman pou pwomosyon liv, men tou pou devlopman nan kominote a atravè kiltirèl. Lè yo di “Lago Liv”, se pa sèlman sou liv ki pale, men sou yon eksperyans kiltirèl entegre ki ranfòse lyen kominotè yo. Yon nan pi gwo aspè sa a, se angajman pou mete yon bibliyotèk nan Dezam. Pou anpil moun nan zòn nan, sa se yon inisyativ ki pote anpil espwa. Bibliyotèk sa a pa sèlman pral sèvi kòm yon espas pou lekti, men tou kòm yon sant kiltirèl kote moun ka jwenn resous edikatif, patisipe nan aktivite atistik, e menm jwenn aksè a teknoloji. Sa pral fè li pi fasil pou jèn yo gen aksè a liv, enfòmasyon, ak resous ki kapab ede yo nan devlopman pèsonèl yo ak pwofesyonèl yo. Anplis de sa, bibliyotèk la ap gen yon enpak pozitif sou sosyete a, paske li pral ede ranfòse kilti lekti ak aprantisaj nan yon zòn ki, malgre li gen anpil talan, souvan soufri ak mank de resous edikatif. Avèk yon espas tankou sa, pa gen dout ke li pral vin yon pwen referans pou jenerasyon kap vini yo, bay yo opòtinite pou yo devlope kapasite yo epi angaje nan yon pwojè kiltirèl ak edikatif ki gen anpil valè.

Festival Lago Liv, nan edisyon sa a, montre kijan yon evènman kiltirèl ka gen yon gwo enpak sou kominote a pa ajoute aktivite kiltirèl divès e ki toujou nan lide pou amelyore aksè a edikasyon ak devlopman nan tout zòn nan. Pandan ke yo kontinye elaji pwogram yo, vizyon yo toujou rete klè: bay moun nan Dezam opòtinite pou aprann, grandi, epi fè pati yon kominote kiltirèl vivan ki pa janm sispann evolye.

Godson Moulite