Félix Morisseau Leroy et son poème : « Mèsi papa Desalin »

Exilé au Sénégal  comme ses compatriotes-écrivains Jean Brierre, Gérard Chenet et Roger Dorsinville – Morisseau-Leroy y travaille comme enseignant. Ensuite, il se tourne vers l’Amérique du Nord et s’installe à Miami avec sa famille où il tente de regrouper des Haïtiens autour de leur culture. Il est l’un des promoteurs les plus importants de la langue créole. Son recueil Dyakout I, paru en 1953, constitue l’oeuvre fondatrice de la nouvelle littérature créole. Toujours selon Saint Éloi

Pour  Morisseau-Leroy, écrire est une manière de communiquer avec la majorité des Haïtiens, ségrégués, puisqu’ils viennent de la paysannerie et surtout parce qu’ils sont unilingues créole. Écrire en créole pour lui est un manifeste politique afin que tous les Haïtiens participent de l’avenir de leur pays. Dans son poème  : «  Mèsi papa Desalin », Morisseau Leroy Félix Morisseau Leroy salue les prouesses du Père fondateur de la Nation haïtienne Jean Jacques Dessalines.  Héros exceptionnel de l' histoire d' Haïti, Dessalines  s' est distingué par ses qualités hors du commun qui lui a permis de lutter  non seulement  pour lui-même, pour sa propre gloire, mais encore pour ses frères vivant dans la souffrance et dans l' esclavage. Dessalines a voulu aussi  défendre les valeurs de sa patrie pour que nous ayons un pays libre , indépendant et prospère. Félix Morisseau Leroy lui a remercié pour le témoignage de sa vie qu’ il a laissé aux Haïtiens.

 

« Mèsi papa Desalin

Papa Desalin, mèsi

 

Chak fwa m' santi sa-m ye

M' di mèsi, Desalin

 

Chak fwa m' tande youn nèg koloni

Ki poko lib pale

M'di: Desalin, mèsi

 

Se mwen k' konnen sa ou ye pou mwen

Mèsi, papa Desalin

 

Si m' youn nonm

Se pou m' di : mèsi, Desalin

 

Si m' ouvè je-m gade

Se gras a ou, Desalin

 

Si m' leve tèt mwen pou m' mache

Se gras a ou, Desalin

 

Chak fwa m' gade lòt nèg

M' di mèsi, Desalin

 

Lè m' wè sa k' ap pase lòt kote

M' di: mèsi, Desalin

 

Lè m' tande kèk nèg parèy mwen pale

M' di: mèsi, papa Desalin

 

Se mwen k' konnen sa ou ye pou mwen

Towo Desalin

Desalin, san mwen

Desalin, de grenn je-m

Desalin, zantray mwen

Se mwen k' konnen

 

Se pou tout nèg di:

Mèsi Desalin

 

Se ou k' montre nou chimen nou

Mèsi Desalin

 

Se ou k' limyè nou

Desalin

 

Se ou ki ban–n tè n' ap pile a

Syèl ki sou tèt nou an

Pyebwa, larivyè

Lanmè, letan, se ou

Desalin, se ou k' ban-n solèy

Ki ban-n lalin

Ou ki ban-n sè, frè-n

Manman, papa-n, pitit nou

 

Se ou ki fè-n youn jan youn mannyè

Nou pa kou tout nèg

Si m' gade tout mounn nan je

Se ou k' ap gade yo, Desalin

 

Se ou ki ban-n dlo pou n' bwè

 

Ou ki ban-n manje pou n' manje

Mèsi, papa Desalin.

 

Epi, se ou ki ban-n kay pou n'rete

Ou ki ban-n kote pou n' fè jaden

 

Se ou k' montre-n chante

 

Ou k' montre-n di: non

 

Yo di gan nèg ki di: wi,wi.

Gan nèg ki di: yèssè

Ou montre-n di: non

 

Desalin, montre tout nèg

Tout nèg sou latè di: non

Mèsi, papa Desalin

 

Gan nèg ki vle esplike:

"Tan jodi pa tan pase

E ke wi alèkile

La fraternité humaine

L' humanité, la civilisation"

Tou sa, se franse

 

Mwen menm, se Desalin m' konnen

M' di: mèsi, papa-m

 

Se ou k' fè-m

Manman-m se pitit ou

Tigason, tifi, se pitit ou tou

Mèsi, Desalin

 

Pitit-pitit mwen, se pitit ou

Wa Desalin, mèsi

 

M' pa bezwen pale pou drapo a!

Pa bezwen pale pou Lakayè

Pou Gonayiv!

Yo di sa deja

E ki mounn k' ap tande sa ankò?

 

Mès rekwiyèm 17 oktòb?

Ki mounn ki pral Katedral?

 

Diskou Minis?

Ki mounn k'ap koute sa?

 

Men, sa m' di la a

Se youn sèl mo: mèsi

Mèsi Desalin papa-m

 

Gan mounn ki pa konnen

Fò m' di yo

San ou nou pa ta la a

Mèsi, papa Desalin

 

Epi, fini ak Patè Nostè-w la a

Monseyè, Desalin pa mouri

 

Ase pale franse, Minis

Desalin pap janm mouri

Desalin la

Nèg sa a ta ka mouri!

 

Desalin nan kè-m

Lam-o-pye

 

Desalin ap veye

Youn jou Desalin va leve

 

Jou sa a, nou tout n' a konnen

N' a konnen si 1804

N' a konnen si Lakayè

N' a konnen si Lakrèt-a-Pyewo

N' a konnen si Vètyè

Desalin te fè tou sa

Pou ti nèg ekri powèm

Pou Minis fè diskou

Pou pè chante Te Deoum

Pou Monseyè bay labsout

 

Desalin pa bezwen labsout

Tou sa Desalin fè bon

 

Youn jou Desalin va leve

W' a tande nan tout lanmè Karayib

Y'ape rele kote-l

Desalin pran lèzam

Arete-l

Lè a, w' a tande vwa-l kon loray

Tout nèg koupe tèt boule kay

 

W' a tande nnan tout Lamerik

Y' ape rele: rete-l

 

Vwa Desalin deja an radyo

Koupe tèt boule kay

 

Nan tout "Harlem" Desalin ap mete lòd

W' a tande: bare Desalin

 

Jouk "Dakar"

Jouk "Johannesburg"

W' a tande: kote Desalin pase?

Koupe tèt boule kay

Desalin pa bezwen labsout

Pa bezwen padon Bondye

 

Okontrè: Desalin se bra Bondye

Desalin, se jistis Bondye

Pa bezwen Patè Nostè Monseyè

Ni eskiz nèg yo vle mande blan a yo

Desalin pa bezwen

 

Pou tou sa l' fè m' di: papa Desalin, mèsi

 

Pou tou sa l' pral fè

M' di: mèsi, papa Desalin. »

 

Schultz Laurent Junior