«Drapo m nan»  : Yon chante pou repanse lavi an Ayiti

Mizik la byen rantre nan san nou. Li fè lavi nou koule bèl lè n ap tande l. Se transpòtasyon yon emosyon grandyoz, yon seri pawòl tounèf, ki chaje vi, ki plen lavi.  Alòs, se te nan lane 2017  plizyè chantè  te rasanble sou direksyon atis  Bélo  pou  yo te pote chedèv sa a , ki fè yon rapèl sou plas drapo Ayisyen an   genyen nan  tout listwa limanite. Se tout nanm  nou ki vibre lè nou tande chak vwa, chak atis  nan yon refren k ap  fè  nou viv tout rèv yon peyi , tout yon senbòl , yon idantite , yon mak fabrik dantèl ki kole lavi nou pyès pa pyès  tankou yon katedral limyè. Chante sila a malgre dousè ki nan vwa atis yo charye tout mak vyolans ak doulè nou trennen pandan anpil lane nan listwa nou. Pawòl ki nan chante sa a raple nou koneksyon nou genyen ak drapo ble e wouj la ki se yon fòs , yon enèji, yon rasin ki tache  idantite sa a byen fon anba po chak grenn ayisyen k ap viv:

<< Drapo m se tankou cheve mwen

Mèt ba l koulè mwen vle vrè koulè l p ap chanje