Konkou kont tradisyonèl Koz'Art Magazine: Ann tire kont, san n pa nan kont!

Koz’Art Magazine lanse yon inisyativ remakab nan objektif pou pwoteje ak transmèt eritaj oral ayisyen an : KONKOUKONT TRADISYONÈL « Ann Tire Kont, Sann Pa Nan Kont. » Inisyativ sa a ap ofri yon platfòm pou mete an valè istwa ak leson moral ki soti nan kont tradisyonèl yo, ki se yon pyès kle nan kilti ayisyen an. Nan yon tan kote kont yo ka fasilman pèdi nan tan, Koz’Art Magazine pran angajman pou asire ke yo kontinye taye souvan ak fèt fèt, toujou vivan nan memwa kolektif nou.

Kont tradisyonèl yo se pi gran fòs transmisyon konesans ak istwa nan sosyete ayisyen an. Yo rakonte pa granmoun yo, nan mitan fanmi, nan mache, ak nan kominote, kote yo fè konnen valè moral, istwa, ak leson k ap gide pèp la depi jenerasyon an jenerasyon. Koz’Art Magazine kwè nan fòs sa yo epi li angaje l nan pwomosyon yon pi gwo apresyasyon pou kont ayisyen yo nan yon kontèks modèn.Tèm konkou a, « Ann Tire Kont, Sann Pa Nan Kont, » envite patisipan yo pran yon angajman pou pa kite kont sa yo disparèt, men pito pote yo nan limyè avèk pasyon ak kreyativite. Objektif la se pou kontè yo pote kont yo nan yon fason vivan, k ap rache kè moun, e ki ka ale pi lwen pase limit kominote yo.

Kijan pou patisipe ?