Pozisyon kont vis ak tantasyon ki pa defandab nan sosyete dwa moun

Lwe kay se yon desizyon ki montre volonte pou yon  moun jwi dwa grandèt majè li, ounyen pou li jwi dwa ak entimite li. Se 2 objektif, mwen ki ap ekri atik sa a, te vle reyalize, lè mwen te deside kite kay manman mwen, pou mwen ale anfème kay mwen, sa genyen anviwon 8 lane. Men, mwen ta pral konnen anpil dezilizyon sou kesyon dwa ak libète nan demokrasi ayisyèn lan ki pa jwenn okenn rasin nan valè moral, respè diferans, ak pliralis lide yo. Mwen te  toujou kwè nan kèk lide sosyal epi politik mwen te  ap defann nan aksyon  mwen ak tèks  mwen te konn ekri. Sa ki te lakoz  mwen tounen  sib  pèsekisyon politik ki  te  dechire anpil  relasyon sosyal  mwen ak moun ki  pwòch. Paske fòs koripsyon yo te  genyen  gwo lajan ak mwayen  enstitisyonèl pou  yo kowonp moun ki  ta  dwe defann mwen oubyen pou yo  monte kont  mwen moun  ki  pi  vilnerab  yo  sou  plan ideyolojik.

Premye epi prensipal  fòm  pèsekisyon sa yo  te  pran se te  entrizyon  nan  kay mwen lwe chak  ane yo. Souvan, mwen te toujou jwenn  endis ki  montre moun  antre lakay mwen tankou ZENGLENDO epi FOUYE sa mwen genyen. Alòske yo pa janm  vòlè pote anyen mwen posede ale.  Objektif prensipal pèsekisyon  an  se toujou destabilize mwen, fè mwen viv  ak  mefyans epi sikoz laperèz, yon fason pou yo  netralize mwen, oubyen  fè mwen adopte  menm  pozisyon ak tout moun  ki ap patoje nan  yon imoralite ki  se  baz  tout aksyon ki  vize  jwenn  kichòy  pou yo  konsome epi rezime  lavi  ak  sa sèlman. Men, daprè fòmasyon mwen, mwen te  toujou refize viv  tankou yon otomat, sa vle  di  yon robo yo  pwograme epi ki  pa  dwe oubyen kapab  reflechi. Mwen kwè, tankou tout entèlektyèl  wòl mwen  se reflechi epi bay opinion mwen sou  SOSYETE mwen.

Pami  tout  aksyon mwen sibi kòm zak  pèsekisyon, mwen te toujou genyen yon atansyon  patikilye sou aksyon fouye  bous mwen chak  fwa mwen abite yon kay ki  pa genyen douch entèn. Paske nan  yon kay konsa, avadra yo, ti atoufè ki ap egzekite pwogram entèlektyèl ki ap reflechi fason pou  pèsekisyon an genyen efikasite, kapab  pwofite moman  mwen  ale benyen  nan  douch pou  yo fouye bous mwen. Bagay  sa ap  fèt depi 8 lane . Pou  mwen  pwoteste kont VYOLASYON sa a ki  te  parèt nan  je mwen  tankou aksyon yo  rele  an anglè "PICKPOCKET", mwen te  oblije  tounen  esklav  yon bous ki  pa menm genyen lajan ki kapab  pèmèt mwen viv  nan byennèt ak diyite. Pafwa, bous la konn vid epi mwen mete li  nan  pòch mwen pou mwen ale  benyen , si  kay la  pa genyen douch entèn. Menm  nan  yon relasyon konjigal, mwen panse yon mari oubyen yon fanm  ki ap  fouye  bous youn lòt,  se moun imoral  ki  pa respekte tèt yo, menm si  yo pa genyen  sekrè pou  youn ap fè lòt  sou  koze  lajan ki  ap  antre  nan  kay la.