Sa ekriven yo di nan sa k ap pase nan peyi a

Lè n ap gade degradasyon sosyete ayisyèn nan, nou tounen yon bato k ap navige sou lanmè a san gouvènay, akòz move gouvènans dirijan ki nan gouvènman yo ak politisyen sankoutcha asasen yo ki mete ansanm pou yo souse san pèp la.

Aksyon banditis yo mete peyi nou Ayiti ajenou. Dezolasyon ak dekourajman ekzile nou. Nan pwòp peyi nou, nou tounen imigran. Pa gen vi noktin, enfrastrikti espòtif ak kiltirèl yo tout detwui, menm lopital pa epanye, tout pase anba flanm dife.  Ayiti tounen dezè.                                   

Ekriven yo leve kanpe pou di se twòp. Ase ! nou bouke nan peyi a.                            Mesye dirijan yo, yon ti konsyans,  n ap mande fèmen va n k ap ponpe san pitit peyi a. Nou gen dwa pou n viv kòm moun e tankou tout pèp sou la tè.