GRAHN pran pozisyon sou kriz ayisyen an

Gwoup Refleksyon ak Aksyon pou yon Ayiti tou nèf (GRAHN) kondane vyolans yo ki ap ogmante an Ayiti, sitou nan zòn Pòtoprens (Port-au-Prince) epi nan depatman Latibonit (Artibonite).

Devan menas kraze-brize Leta ayisyen an, GRAHN mande tout moun ak gwoup ki konsène pou pran desizyon fè yon gwo efõ kolektif nasyonal. Nan anbyans plen danje sa a ki anpeche tout moun byen viv, genyen obligasyon pou se enterè Nasyon an ki domine sou enterè pèsonèl.

Pi gwo priyorite a se asire sekirite tout sitwayen ak byen yo posede. Kòm Leta dezòganize epi mwayen li an feblès, soutyen patnè etranje yo nesesè pou jere kriz la. An menm tan, li nesesè pou Leta reòganize avèk yon chapant pi desantralize epi ekitab. Toudabò, fò genyen yon refòm konstitisyon an pou amelyore fonksyonman ak kalite enstitisyon nou yo, epi eleksyon demokratik onèt pou tout nivo yo nan chapant Leta a, men, pa nesesèman an menm tan.