Mantalite ayitien an, yon pongongon ki kouche ankwa kont devlòpman peyi a

Dezyèm pati

Apre pibilkasyon premye pati atik «Mantalite ayisyen» an  jou ki te 18 novanm 2022 a, tèlman te gen reyaksyon bò kote lektè yo. Poutèt sa, nou wè li enpòtan pou m te ekri dezyèm pati a. Paske eta tout peyi se rezilta mantalite pèp la, sa vledi nou tout se pwodui jan nou panse, e sa manifeste nan jan n ap aji. Pou pi klè, menm jan saj la dil : « jan nou ye jodi a se fason sa ke nou t ap panse yè, e jan n ap ye demen se fason n ap reflechi jodi a ». 

Fenomèn bout tèren, zòn nondwa n ap viv nan peyi nou pandan 10 dènye lanne sa yo se yon fenomèn eksklizyon sosyal ki dekoule de mantalite nou. Depi m ap mennen djòb pa sila yo k ap trennen, zafè tijan pa zafè tijàn, depi m ka manje djòb pa lòt la, mwen nan gwo pozisyon nan Leta nan Prive se vre m’wè tidjo konpetan men olye ke’m fè djòb mwen kom sadwa, m’pito fè tout sa’m konnen pou’m anpeche tidjo jwenn yon ti travay omwen pou li te ka viv. Konsa m'deside pa travay pou enstitisyon vanse m’pito tonbe nan zenyèz rele bòs mwen toujou ap rakonte menm sa ki pa ekziste, lè’m pa jwenn anyen pou’m di, se fason anplwaye yo abiye pou jounen an m’tonbe rakonte sipeyè’m…