Zafè m pa zafè w

Si zafè m pa zafè w, kòman w vle pou zafè w, se zafè m. Kòm tout zafè yo pa menm, donk  tèks sa, se pa pou pale de gwoup mizikal ki ap fè moun danse kounye a, men de preferans, pou denonse tout move zafè nan zafè k ap pase nan Repiblik peyi Dayiti akoz yon seri moun ki rele tèt yo elit.

Paske zafè pa yo, se kidnape moun, chache lajan sal nan fè tout move aksyon ki pou pèmèt yo, finalman al pran plezi kay vwazen nan bwè tafya, fè sèks ak jenn ti fi ak ti gason (sa yo rele krèy lan), epi fimen ak vann dwòg. 

Se bagay sa yo ki enpòtan pou yo. Se bagay sa yo ki fè yo santi yo gran.  Pwoblèm moun ki ap soufri nan tout kote nan peyi an pa regade yo. Depi lontan se te toujou konsa. Zafè kominote, koze pwojè sosyal nan peyi an tankou: edikasyon, sekirite, travay, ak sante pou Ayisyen p at jan m zafè yo.