Kay vwazen

Byenseyans fè lè nou ale kay yon moun, pou li eseye mete nou alèz, li toujou di nou: "Fais comme chez toi".  Men, se ki sa ki dèyè pawòl sa?

Ansanm, an nou eseye gade ki dènyè fwa n te tande yon papa ou byen yon manman te di pitit li ki rete nan menm kay ak yo, "Fais comme chez toi".

Donk, lè ou ale kay nenpòt moun epi li di w ak anpil souri e jantiyès, "Fais comme chez toi", se yon fason pou li tou senpleman raple w, ke w pa lakay ou.  Ki vle di: ou gen limit. Gen bagay ke w ka fè, konsa tou gen yon pakèt bagay ke w pa kab fè lakay li.