Nan dat 30 janvye 2025, yon moman inoubliyab te dewoule nan Kafou, Mahotière 75 la, nan yon anviwònman ki te toujou ap chache pote ansanm divès ekspresyon kiltirèl ak literè. Se te yon “Weekend Powetik” ki te pran plas nan Lekòl Christian Academy, yon evenman ki te òganize anba chapo Gabynho Leblanc, yon non ki asosye ak angajman pou pwomosyon literati, kiltirèl ak edikasyon. Patisipan yo te gen chans pou yo asiste yon seri prezantasyon powetik ki te chaje ak emosyon, konesans, ak apèl pou refleksyon sou lavi ak sosyete a.
Nan kad evenman sa a, Jean Rony Charles, yon ekriven ak powèt rekonèt ki sòti liv li ki rele Pitié, te fè yon patisipasyon ki te san parèy, ofri yon kontribisyon ki te ale pi lwen pase senp performans powetik. Li te vin pote yon vwa inik, yon vwa ki pa sèlman sòti nan literati a, men ki melanje ak reyalite sosyal, kiltirèl. Jean Rony Charles, tankou yon nouvelis, te envite asistan yo nan yon vwayaj nan lespri powetik ki te fè apèl a anpil nan refleksyon sou pèsonèl ak kolektif. Nan moman sa yo, lè li te pataje avil , li te louvri yon espas pou yon lòt kalite diskou, youn ki pa t sèlman konsantre sou bèlte literè a, men ki te fè reflechi sou lang, idantite,AK pakou l, ak defi jèn ki vle ekri. Pawòl li yo te ranpli ak yon gwo kapasite pou jwenn yon angajman dirèk ak odyans lan. li te tise ansanm pawòl ak lajwal ki ap chèche sòt nan difikilte li yo, yon peyi kote chak pawòl se yon batay pou liberasyon entelektyèl ak emosyonèl. Yon nan aspè ki te fè patisipasyon Jean Rony Charles nan aktivite sa a ekstraòdinè, se te kapasite li pou li pouse nenpòt ki moun ki tande l ap reflechi sou sa ki vrèman enpòtan nan lavi. Pawòl li se te yon apèl pou respè ak enpòtans kilti a, pou defann sa ki fè nou inik kòm pèp, epi pou fè pwomosyon lanmou ak solidarite. Li te montre ki jan pawòl ka sèvi kòm zouti pouvwa, pa sèlman pou eksprime emosyon, men pou rele nan aksyon. Sa a te pa sèlman yon okazyon pou nou tande ekriven an, men se te yon evènman kiltirèl ki pèmèt jèn ekriven, ak pasyonè literè yo jwenn yon espas pou eksprime tèt yo. Pou anpil nan yo, sa a te yon opòtinite pou yo enspire youn lòt, pataje ide, epi bati yon kominote ki pi solid atravè literati. Lè li te pataje travay li, Jean Rony Charles pa t sèlman ap pote tèks powetik, men li te tounen yon vwa ak yon egzanp pou sa ki ka fèt lè yon ekriven chwazi sèvi ak kapasite li pou mete limyè sou sa ki souvan rete nan fènwa :, verite, ak kout pyen moun. Mwen kwè ke evènman sa a se te yon siksè san parèy, paske li te demontre ke literati se pa sèlman yon aktivite estetik, men yon zouti pou chanjman sosyal ak pèsonèl. Nan yon mond kote chanjman ap vini pi vit pase jan nou ka adapte, Jean Rony Charles te fè yon apèl pou reflechi sou sa ki esansyèl nan lavi ak sa ki ta dwe pouse yon pèp a devlope. Li te pwouve ke literati ka sèvi kòm yon fòs pou bati yon sosyete ki gen plis konsyans ak respè youn pou lòt. Nou swete kontinye gen plis evènman konsa nan lavni, kote ekriven tankou Jean Rony Charles kapab patisipe, pataje konesans, ak bay yon espas pou nouvo jenerasyon yo eksprime sa yo. Pou Gabynho Leblanc, òganizatè evènman an, li dwe di ke aktivite sa a se te yon reyalizasyon ekstraòdinè. Li ofri yon ekzanp nan fason nou ka mete kiltirèl ak literati nan sant aktivite kominotè yo, epi bati yon espas kote chak vwa gen yon plas pou li. Nou salye Jean Rony Charles pou patisipasyon li nan « Weekend Powetik » nan Kafou a, ak espwa ke kontribisyon li a ap kontinye pouse limyè sou istwa ak reyalite peyi a, pandan l ap enspire anpil lòt moun pou yo suiv tras li. Nou swete pou li plis siksè nan pwojè li yo, e ke li kontinye sèvi kòm yon vwa powetik ak enspire nan mond literè Ayiti.
Godson MOULITE
