Ayitiklopedi mete timoun yo nan kè Jounen Mondyal Dwa Timoun

Pou make Jounen Mondyal Dwa Timoun, Ayitiklopedi òganize yon gwo aktivite 20 novanm 2026. Se yon jou pou rele byen fò sa dwa timoun vle di: dwa pou aprann, pou jwe, pou grandi nan lang yo, nan kilti yo, ak nan lanmou.

Ayitiklopedi se yon enstitisyon ki espesyalize nan devlopman zouti itil ak nan piblikasyon liv nan lang Kreyòl Ayisyen an sèlman. Li chèche epi li òganize enfòmasyon toupatou pou l mete yo disponib pou popilasyon an, epi pou l fè yo pi fasil pou jwenn. Se yon travay ki montre ki jan lang kreyòl la ka pote tout konesans, tou sa yon timoun bezwen pou l konprann mond li.

Se nan lide sa a Ayitiklopedi chwazi vire gade timoun yo nan jounen espesyal sa a. Yon timoun ki aprann nan lang li pale a gen plis chans pou l grandi ak konfyans nan tèt li.