Yon travay tradiksyon ki pa gen fwontyè

AYITI – 30 SEPTANM 2026 — Soti nan lang abaknon, pase pa kreyòl ayisyen, rive nan lang zoulou, gen yon òganizasyon ki pa la pou fè pwofi ki pran latèt nan monn nan nan tradui enfòmasyon ki baze sou Bib la.

Moun byen konnen Temwen Jewova yo pou travay predikasyon y ap fè kay an kay la, men tou, depi byen lontan, y ap tradui Bib la ak piblikasyon pou etidye Bib la nan plizyè santèn lang. Yo rekonèt sit ofisyèl yo a, jw.org, kòm sit Entènèt ki tradui nan plis lang nan monn nan.

Men sa Jarrod Lopes, yon pòtpawòl Temwen Jewova yo ki nan syèj mondyal yo a nan Nouyòk, di: “Fè tradiksyon nan yon nivo konsa se yon gwo travay. Nou detèmine pou n fè ajisteman ki nesesè pou n rive fè sa, paske n kwè pi bon fason pou n touche moun yo se lè n sèvi ak lang ki touche kè yo.”