Temwen Jewova yo ap patisipe nan yon kanpay mondyal kote y ap fè konnen ki jan lagè ak zak vyolans gen pou yo fini

Temwayaj ni sòlda ni sivil montre nan ki pwen moun soufri akoz lagè. Pa egzanp, men sa Wilmar, yon sòlda kolonbyen, di : "Mwen te pran bal nan do ak nan figi, e m te wè anpil moun yo touye." Marie li menm k ap viv nan peyi Wannda fè konnen : "Yo te touye paran m yo nan lagè. Lagè fè m pa gen ni manman ni papa."

Temwayaj de moun sa yo parèt nan premye atik Toudegad N^o 1 2025 lan ki gen tit: "Pap gen lagè ankò – Ki jan?" Gen plis pase 9 milyon Temwen Jewova k ap patisipe nan yon kanpay mondyal nan mwa septanm nan pou distribye peryodik sa a ki esplike ki jan Wilmar, Marie ak lòt moun te rive jwenn lapè.

Sa ki pi enpòtan an, kanpay la ap pèmèt piblik la vin konnen solisyon Bib la pwopoze pou mete fen nan tout gè ak vyolans ki genyen.

Men sa Fred Aimé, pòtpawòl Temwen Jewova yo, di: “N ap viv nan yon epòk kote gen anpil lagè ak vyolans k ap fèt toupatou. Nou gen konfyans peryodik sa a ap pote espwa ak rekonfò pou plizyè milyon moun k ap soufri anba lagè ak zak vyolans ansanm ak moun k ap chèche lapè toutbon.”

Gen plizyè bèl atik nan peryodik sa a:

• Rezon ki fè kontinye gen lagè ak vyolans
• Fason lagè ak vyolans pral fini
• Fason n ka jwenn lapè malgre gen lagè ak vyolans

Petèt sijè ki pi enteresan yo abòde nan peryodik sa a se repons kesyon: Èske gen yon lè k ap rive kote pap gen lagè ak vyolans ankò?

Pandan tout kanpay la nan mwa septanm nan, Temwen Jewova yo ap envite tout moun nan yon diskou espesyal ki gen tèm: "Pap gen lagè ankò: Ki jan?" Y ap prezante diskou sa a k ap dire 30 minit toupatou sou tè a nan lokal adorasyon Temwen Jewova yo ki rele Sal Wayòm dènye wikenn nan mwa septanm nan. Nenpòt moun ka asiste. Ou pap peye pou w antre e yo pap fè lakòlèt.

"Tout moun byenvini", se sa Fred Aimé ajoute. “Pou anpil moun, sa yo pral tande nan diskou sa a pap sèlman ba yo espwa pou demen, men li ka chanje lavi yo."

Pou w jwenn yon Sal Wayòm ki toupre w pou w asiste diskou espesyal la, ale sou jw.org > Enfòmasyon sou nou > Reyinyon, oswa pale ak yon Temwen Jewova.

Toudegad N^o 1 2025 lan ki gen tèm: "Pap gen lagè ankò – Ki jan?" disponib pou telechaje sou paj prensipal sit entènèt jw.org la.

Ou ka konsilte nenpòt atik sou sit jw.org la. Yo gratis e w pa bezwen kreye yon kont pou w gen aksè ak yo.

Lesly Gaussaint,

Biwo Relasyon Piblik

Syèj nasyonal Temwen Jewova yo