Volontè sou tout tè a ap ofri moun yo yon etid Labib gratis k ap amelyore lavi yo

Plis pase uit milyon volontè ap patisipe nan yon kanpay mondyal pandan mwa septanm nan pou ofri moun ki vle yon etid Labib gratis.

Anpil moun abitye wè Temwen Jewova yo k ap patisipe nan predikasyon kay an kay. Chak ane, Temwen yo òganize kanpay espesyal tou pou atire atansyon moun yo sou solisyon Bib la bay ki tonbe daplon ak sa k ap enkyete yo. Ane pase, òganizasyon Temwen Jewova yo, ki pa gen objektif pou fè lajan, te fè konnen Temwen yo te kondui plis pase sèt milyon etid biblik chak mwa.

Men sa Fred Aimé, Pòtpawòl nasyonal Temwen Jewova yo, di: "Anpil moun sezi aprann ki jan yon liv ki la lontan konsa ka bay solisyon pou pwoblèm moun nan epòk nou an ap rankontre chak jou, e ki jan li ka reponn yon seri kesyon difisil, tankou ki objektif nou nan lavi a, e ki sa demen sere pou nou.”