Krèy bòbèch Jeudinema a : Yon pwezi chèche konnen ak pinga
Zèv powèt Jeudinema, Krèy bòbèch parèt nan lane 2017, nan Atelier Jeudi Soir. Se yon pwezi kout pwen. Yon kreyasyon ki pa met dlo nan bouch pou denonse. Yon pwezi ki brav kou lyon pou afwonte lagrandjab nan Larepiblik. Yon pwezi ki leve mas sou vizaj grennsenk. Yon pawòl anseyman ki mande lèzòt pou rafrechi nanm yo pou kondisyon lavi ka chanje.
Diskou powetik sila pran plizyè chimen pou delivre komisyon l. Chak lektè ka twouve mesaj pa li suivan konpetans li, vizyon li oubyen enterè l. Nan lonnvi pa nou k ap fè wonn tèks la, nou wè yon dividal koze k ap sikile, monte desann. Nou konstate yon pwezi pelerinaj. Yon pwezi chèche konnen. Yon pwezi rale zòrèy. Yon pwezi vaksinasyon. Demach sila yo se limen chandelye verite -krèy bòbèch verite, si w vle- pou denonse, kwape salte fènwa k ap detwi kretyenvivan.
Powèt Jeudinema voye dlo, li pa mouye pèsonn. Li chwazi nan djakout lang kreyòl ayisyen an mo ki pa rete ak mo pou fè konprann se konsyans, lanmou, mounite ak lè nou konsakre nou san rezèv, ki va wete Ayiti nan malè pandye. Sou yon bit analoji, li trape kèk rityèl nan vodou pou l trase kata powetik pou di gen koze ki p ap ka repare echèk sosyete a.
Si vous avez déjà créé un compte, connectez-vous GRATUITEMENT pour lire la suite de cet article.
Pas encore de compte ? Inscrivez-vous
0 commentaire
Les échanges courtois et argumentés font la qualité du débat.
Connectez-vous pour commenter. Un compte garantit que votre nom n'est utilisé que par vous.
Se connecter Créer un compte
Aucun commentaire pour l'instant. Soyez la première personne à réagir.