S'identifier Contact Avis
 
31° C
  à Port-au-Prince
Radio Pacific 101.5 fm - En direct
Le Journal Dernière heure Actualité Édito Tribune Société Économie Culture Diaspora Sport rpacific101.5 FM  
× Immobilier Appartements Maisons Locaux commercial Locaux pour Bureau Terrains Véhicules Voitures Camions Tout Terrains Minibus Motos Divers Animaux Articles ménagers Ordinateurs et pièces Équipement électronique Équipement industriel Équipement lourd Diverses études Légal Bijoux et montres Smartphone et tablettes Vêtements Jeux video

« Pito m te zannimo » yon pwosè vèbal sou sosyete ayisyèn jodi a

« Pito m te zannimo » yon pwosè vèbal sou sosyete ayisyèn jodi a



« Pito m te zannimo » se yon tèks pou denonse tout sa ki mal nan sosyete an.Messerne Sagesse se inityatè « Cinécolo » yon festival fim sou lanviwonnman. Li ekri yon tèks ki rele « Pito m te zannimo » kote li eksprime tout kòlèl sou sa k ap pase nan peyi Dayiti « Se yon fason pou m koupe fache ak sosyete nou an, denonse modèl gouvènans ak mòd fonksyonman peyi a. Mwen itilize imaj zannimo pou m di nou pap viv tankou moun ».


Pito m te zannimo

Mèsi lasosyete,

Peyi a fè twòp bri nan tèt mwen. Je m klè kou dlo kòk. Mwen pa sou, se koulè m k ap bipe m. Pabòrisit, chak bouyon gen moso pwason kraze pa yo. Vokabilè degoute gou bouch nou tigout pa tigout. Demokrasi, diktati, eleksyon, prezidan, gouvènman, palmantè, pati politik, otorite, se trip n ap trip. Jan nou jwenn. Jan nou kapab jouk nou fout pete fyèl peyi a. Grad yo tounen asyèt emaye ki nan bif ak wòch.

Jounalis, laprès, dwadelòm, moralite, imoralite, lavi, lanmò, satan, bondye, legliz, peristil, madivinèz, masisi, nou pè di sa nou ye. Petwokaribe, sistèm peze souse, laboujwazi, entelektyèl, lekòl, inivèsite…sosyete a s on maleng ki pèdi gou sou lang chyen. Sosyete a san kilòt. Vijinite peyi a wouye anba zèl èg la. Avni peyi a gonmen nan mouda l. Sosyete a pran vè. Nou fou, nou sou. Nou soule ak pwomès lavi miyò. Poutan, lavi miyò pase nou. Se jou antèman nou n ap tann pou nou mouri.

Pito m te zannimo. Teritwa pa m nan t ap rele m chèmèt chèmètrès. Mwen t ap chèf nan gouvènman an. Mwen patap kite krache m pwatrinen m. Mwen t ap sere tout rès manti prezidan an bliye sou tab Petyonvil. M t ap danse. M tap chante. M t ap pyafe nan palè nasyonal jouk mwen fout gwòs peyi a ak yon sèl kout gouyad. Epi, mwen t’ap fè madan Lalime plimen peyi a. Mwen t ap okabine sou tèt tout anyennafè ki te vote m. Toukanpe m t ap tann Martine pou m te nome l manman tout tichat nan bren an. Mwen t ap fè tout tijèn pote Petwokaribe tankou yon mak flanman. Elas!

Pito m te zannimo. Mwen t ap depeyize Letaak yon bousdetid. Mwen t ap fè Lakoudèkont sispann fè enferyè pou odit. Se EDH mwen t ap bay fè lago ak lanjelis. Se DINEPA mwen tap fè souse rès krache peyi a. Mwen t ap fè tout prezidan tounen zonbi anba bannann Akayè. Mwen t ap fè sosyete a chache ekilib sou tèt minis jistis lan.

Mesye ! padone m si prezidan an ap fimen yon bagay an kachèt. Padonem si prezidan an gen lestomak kalalou. Padone m si pè, pastè, monseyè ak mè se desiskole. Se santiman nou n ap manje nan plas kochon.
Mèsi lasosyete,
Se ou ki fè nou rate tout okazyon pou nou te zannimo. Alèkile, nou t ap gentan moun deja.

Messerne SAGESSE
Sitwayen angaje




Articles connexes


Afficher plus [4855]